nasib meu lang lang

NASIB MEU LANG LANG
OLEH: Apui Lam Seukeum

Allah ya rabbi,ulon neutulong
Hate yang tutong,neubi peunawa
NASIB MEU LANG LANG,sabe lon tanggong
pajan keuh di lon,na lam bahagia

meuho keuh lonjak,peulikak untong
Yang ka lon tanggong,sabe derita
nasib meu lang lang,di badan ulong
karap meuthon thon,sabe lon baba

Meuho keuh lon ba,derita bak long
Yang deuh cit tutong,seuum ngon dada
Rasa lon hudep,cit phet meugulong
Hana lom untong,nibak lon rasa

Lon cuba tabah,pasrah bak rabbon
Peuleupi jantong,dengon lon saba
Rasa kamale,jithe le kawom
Hudep diri lon,hana keurija

Ka abeh kota,teuka lon rawon
Hana yang tulong,but di peutaba
Bakat malaka,pihka lon aron
Allah ya rabbon,saket di hina

Jino lon hudep,kop phet di gampong
Hana yg tulong,adak syedra
Hajat ulon jak,tapak lon ayon
bakat meu gulong,arah jih hana

Weuh lam dada,i mata meu glong
Keubit diri lon,sabe geucoba
sabe meu lang lang,badan ka apong
neubi ya rabbon,ulon bahgia

Lam meuteung bayeng,ureung di eu long
Adak lon ranggong,sayang han teuka
hudep seng sara,coba ulon kong
Kadang bak ujong,hideh bahagia

seulamat jalan

Seulamat jalan
Oleh: Apui Lam Seukeum
Suara hati yang lara

Adai lon teupu,meulu yg candeng
Hanroh lon peukhem,wate awai fon
Adai lon teupu,gata eu laen
Hanroh ulon tem,gata lon sanjong

Hana ta lake,gade neuyu khem
Adak lam baten,hana cit keulon
Hana ta harap,gaseh lon sunteng
Meuah dek licen,salah dirilon

Lon ucap seulamat,mangat lon ireng
Inbok lon kirem,peusan rot panton
Akan lon keunang,wate oh meusyen
Walou ta paleng,hana tanging lon

Han munken adoe,gata lon sayeng
Hana si bandeng,tan reumoh geudong
Adak pih wajah,hana that licen
Jadi han munken,gata pileh long

Seumoga seujahtra,ngon ureung laen
Sampo duk sandeng,doa lon ayon
Lon lake meuah,lahe ngon baten
Ngon imata kreng,saleum lon junjong

Meumada ohno,tanyo meu khem khem
Karna lam baten,rasa ka tutong
Lon teupu mandum,hate yg licen
Bah keuh lon paleng,lage awai fon

hana sibandeng

Hana mungken
Oleh: apui lam seukeum (rahman)

Ureung cok bate ateuh gle gunteng
Adak gle bugeng tanoh ji sukat
Wate lon pike rasa han mungken
Hana si bandeng ulon tan pangkat

Ceudah that ceudah ija sandusen
Haloh ngon licen warna meu kilat
Gata lon gase cinta lon ireng
Hana cit ta khem lon kon peujabat

Ateuh bak jato jipo peureuleng
Keudeh yup bak rheng mandum meu sapat
Mawoe lon bungkoh duroh bak ranteng
Hanjeut lon kirem kiban lon intat

Cinta lon sibu meulu bak ranteng
Bek jidong cicem jaga tip saat
Rasa ka awoh tuboh ngon baten
Hanjeut le lon khem rasa meu tat tat

Mangat that kari bak india kleng
Kuah si kambeng rasa kop seidap
Jioh that beda memang han mungken
Kiban lon sayeng laen na pangkat

Kiban lon ilah kisah lon sunteng
Sabe lon kirem doa lon intat
Rasa ka seungkak beungkak lam baten
I mata meuleng tijoh sep teupat

Lam sunyi malam meusu darut kleng
Keu eumpeun ticem lon jak siasat
Cinta teu lanjo timoh lam baten
Teulheup bak ranteng putoh lam ikat

Hana le guna gata lon peukhem
Dara yg candeng ban putik pukat
Kasep hai adoe putro yg candeng
Bah lon keureuleng tansampo hajat